jurdágat otná eahkeda gullandilálašvuođas

Okta ášši bođii áibbas čielgasit ovdan otná ságain: Bágguassimilerema váikkuhusaid Suomas sihke sámeservodagaide ahte láddeluvvan sogaide galgá dutkagoahtit ja guorahallat alimus vejolaš dásis. Dat noađđi ain geassá min buohkaid vulos eatge beasa ráffái ovdal go dat ášši lea albmalahkái gieđahallon.

Dál das váilo albma forum ja dat oidno omd. dien lahkái ahte juohke čoahkkimis gos sámeáššit veháge gieđahallojit, geannu traumat bohtet ovdan ja dat bohtet erenoamážit dehálappoid, dahje aŋkke áigeguovdilappoid, servodatáššiid gieđahallama ovdii. Dat fas dagaha, ahte mii eat beasa ovddasguvlui ovdal go leat terapeutiseren juohkehačča geas veháge deivet leat gatnjalat čalmmiin.

Duohtavuohta goit lea ahte dat guhte ii nágot leat projiserekeahttá iežas vásáhusaid juohke helveha mearrádusa hábmemii ii sáhtte leat fárus álmmolaš ságastallamis. Ja lea buohkaide ávkálaš jus mis livččii muhtun forum mas daid áššiid beasášii gieđahallat nie vuđolaččat go dárbbaš. Dahje oba diet terapeuhta.

Advertisements
%d bloggers like this: